شمر الطنايا - سلطان العتيبي

شمر هل الطالات ذباحة العيس
افعالهم وامجادهم من جحدها

لاجا النهار اللي قدومه مقابيس
منهو زبنهم هيبته مافقدها

وان جا نهار اظهورها والمقاويس
الشمري حوض المنيه وردها

ومن رامها غصبآ يعوذ من ابليس
وغصبا يحل العقده اللي عقدها

ستر العذارى من بنات السناعيس
وستر العجوز اللي تركها ولدها

تليوي على العدوان بالمكر واديس
وتنثني الرقاب العوج وتقص يدها

حماية الديره بشلف مراويس
وسم الكبود الضاميات ونكدها

احلالها فيها الدلال المتاريس
والنار مشبوبه وزايد وقدها

والبن الاشقر في بطون المحاميس
يجلا العماس وكل حاجه وجدها

جاب الحلال من المفالي مناكيس
والطيبه منها لضيفه فردها

والضيف يقلط في حلال النواميس
اهل السلوم الماضيات وسندها

وانا عتيبي محتمي نجد واريس
اريس عالي نجد لقصا مهدها

يوم/ن راعيها عيونه نواعيس
جينا على خيل تعادا جهدها

معنا سيوف امصقلات ونواديس
حظ المهار السابحات وسعدها

واللي تمناها غدا حظه امخيس
راح ايتلوا بالبيوت وعمدها

اقفا عن ادياره ردي حظ واتعيس
تسعى معزبته وهو في طردها

© 2024 - موقع الشعر