يا غايبه

يا غايبه لو غاب زولك عن الشوف
ما غاب طيفك عن خيالي دقيقه

كتبت لك من صادق احساسي حروف
وبخاطري من ضيقة الخلق ضيقه

الكل منّا يالغلا مرّ بظروف
ذقنا من الصدمات مُرّ الحقيقه

واقع مآسي غدر الايام معروف
ما للحزن غير التناسي طريقه

تعال انا وياك نِروي ضما الجوف
ونزرع من الورد المعتّق حديقه

تعال انا لشوفك ولقياك ملهوف
تعال بُعدك ياحبيبي ما اطيقه

بين الامل والشوق والياس والخوف
النفس في بحر المشاعر غريقه

يامرهفه نفسي ترا ماله شفوف
في غيرك وغيرك عساه بحريقه