يا غايبه - عايد المحيلبي

يا غايبه مليت من كثر الغياب
وملت عيوني من سهرها تحتريك

شفت العنا من بعد فرقاكم عذاب
لا انته براحمني ولا شي بيديك

اثر الهوا في كل عنوان الكتاب
فرقا حبيبك ولا اقبل ما يجيك

ياما على شانك تحملت العتاب
من بعظ ناسٍ شاغلو فكري عليك

غاياتهم دايم تبي لشك باب
وانت ماتدري وين ربي يخليك

مير انتبه للوقت واحسبلك حساب
ترا الضروف اصعب ولاشي اتعطيك

ولا على حظٍ ليا عود و خاب
نعيش بالدنيا تبيني وانا بيك

لا حاصلٍ بعدك ولا حنا قراب
لو كان تدري خاطري دايمٍ فيك

ماني من الى لا مشي يطرد سراب
وضح لي الموقف عسا ربي يهديك

اما على مر الليالى وانتساب
ولا تروح ومن يجيبك يوديك

ماني مطالب في معنقت السحاب
ما نطلبه معقول واكمل ماعليك

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر