يا غيبه عن مسرحي.. عن مسرح الكون الوسيع
من عالمي .. من دنيتي.. رحتي ولا أنت راجعه
يا غايبه في قلب من حُبك شراه ولا يبيع
يسهر يناجي صورتك.. والناس عينه هاجعه
يا غايبه.. يا راحله.. يا مسافره دربٍ يريع
دربٍ يروح ابه آدمي.. يصعب عليّ موادعه
أنتي السحاب بدنيتي.. وفي ناظري أنتي الربيع
وأنتي بعد روح الزهر.. ضوّي وشمسي الساطعه
رحتي وخليتي أسير الهم والحزن الفضيع
فاقد حنان ولا لقى لمنهو يبث مواجعه
أدري الزمان ويبتلي.. بصبر ولو أمره شنيع
لكن رحيلك من على دنياي أكبر فاجعه
تبكي العيون وتشتكي.. للناس.. للعالم جميع
للأرض.. حتى للشجر.. حتى الطيور الساجعه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.