الا يا طير لو تدري ترا لى خاطرٍ مجروح
وانا وياك لوتخذ طريق بعيد ما مله
الا يا طير لو نقلك معي ماعاد اله مصلوح
تسليني مراويحك وقلبي فيك يا عله
ابيك اليا ذكرت الى دوا قلبي عليه الروح
تعاتبني وحبه في ضميري ثابةٍ ضله
معاد اذكرك في ساعة عصر لامن دعاك اللوح
تطريني شبوب النار والفنجال و دله
وانا لا من طرالى خذت اجر الصوة لو مبحوح
اسلى من سمعني والبلا في داخلى كله
الا يا طير جاوبني وانا من صادقي مسموح
عسا عندك خبر يا طير فالموضوع وتحله
الطير
هلا ياصاحبي يالى على دايم تجي وتروح
تخاف الله وتمشي دوم حسب الدينه والمله
تشاورني وانا يا صاحبي من قصتك مطروح
صحيح الحب بعضه عز ناس وناس لذله
واذا ودك تشاور عود شاح العلم عنك شوح
كبير السن مايجهل طريق الحق ويدله
الك نيه وله نيه وهرجه مايجي بوضوح
مجرب ما مضاله مع حبيبٍ صار به خله
وانا كنت احسبني بالغلا غالى وروح الروح
واثر من صحبتي يا صاح بين الناس والشله
النهايه
الا يا طير يا طير السعد يا قبلته المملوح
تربع وسط قلبي دام شوفك فالحياه فله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
الوقت المطلوب للقراءة
دقيقتين و 15 ثانية
© 2019 - موقع الشعر - بواسطة شركة المبرمجين