متسلفه طيفك .!! - صالح بن عمار

قالت اغار مْن البنات المزايين.
وحدتني الغِيره على ظنّها الشين.!!

ابيك تكتبني .! وخَلّ العذارى.
تقراني باابياتك .. وتلمحك بالعين.!!

انا احبك حب ..! فيه الثواني.
متسلفه طيفك .! من الفكر بالدين.!!

ابطيت اناظرها واميّز حلاها.
والعين تروى .. من تفاصيلها زين.!!

قلت ارحبي ياعروق قلبٍ تدلا.
ياوردة البستان ..... ياروعة الزين.!!

يابنت قلبي بالهوى مع خلاياه.
مافكروا في حب غيرك من اسنين.!!

قالت : ابي بيتٍ يريّح خفوقي.
او شطر يسوى في عيوني دواوين.!!

اللي ابيه اغيض فيه العواذل.
واردده بالروح ..... مرّه ... وثنتين.!!

قلت ابشري ياعين صالح ودمّه.
الغالي يرخص ...... للوفا والوفيين.!!

شطرٍ كتبته فيك ما له زوايا.
اهداه فكري يالغلا ....بين قوسين.!!

حبيبتي : لو يزحفن الغنادير.
( قبري وقلبي مايجي فيهم اثنين ).!!

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر