طيفك غزاني - عواد الهران

طيفك غزاني وقلت مرحب وحياك
وكلمة هلا وحلو الكلام استهلّه
 
بدنيا الخيال امسيت يابنت واياك
كنّه لقاء. يسوى من العمر كلّه
 
يابعد حيّي وبعد من هو تمناك
لاياخيال اللي لخفوقي يتلّه
 
يمّي جلستِ.قلت لك كيف دنياك
وشلون حال اللي ضميري محلّه
 
واسهبت في قولي وكني بلا ادراك
ودي اتكلّم والزمن باستغله
 
ثم ان تبسمتِ وقلتِ انا فداك
يابسمتك زاحت من القلب علّه
 
همستِ لي بقول ياكتاب بقراك
اني اناظر شخصكم واستحله
 
شفايفاً قالت هلا وانطقه فاك
ياعالاً كلِه جمالاً وفلّه
 
والطرف غض وكن حزناً تغشلاك
قلتِ بروح. وشوفتك مانملّه
 
ومديت ايدي بمسح الحزن وارجاك
وضحك عليّ طيفكم قال خلّه
 
خيال مر ّ وطيفكم بيه شفناك
ياواقعاً لكّن بليّا ادلّه
 
مجرد افكاراً مثل الذي جاك
ويامى افكاراً عقلنا ماوصل له
 
عواد الهران
© 2024 - موقع الشعر