ماني بشاعر.!! - صالح بن عمار

الضيقه اللي حوّلت بين ضلعين.
لها ثلاث ايام ...... تاكل خلاياي.!!

حاولت اعَديها.! مع العسر واللين.
لكنها .. عاشت معي في زواياي.!!

زلة مزح .! متوجهه تمشي الفين.
مررتها ..! مابين صايب وخطاي.!!

ماني بشاعر.! قالها بين الادنين.
واني المّ الشعر من زرق مخباي.!!

( مالي منابر لا ولالي دواوين ).
عشان هذي .! قال سايم وشراي.!!

ذي نظرته .! لكن وين البراهين.
وشلون ذكاني على شفة اعداي.!!

هذا اتهامٍ .؟ زوّعت به شياطين.
فرحوا علي.! وطوّل الليل مسراي.!!

يالكلمه القشرا.! طلبتك تعدين.
تراه غالي ... والغلا ساق معناي.!!

ياليتها جتني من اللي بعيدين.
لكنها مني .... ومن سيف يمناي.!!

هذا وانا موجود حط العناوين.
حاضر.! واناظر للخطا والتلواي.!!

وشلون لا غبنا .!! وحنا بريين.
اكيد دمي ...! ينثره رايح وجاي.!!

انا الشعر كله من اوّل وهالحين.
ولا ثار فكري بيّن الحرف مبداي.!!

شعري ورثته من خوالي وجدين.
اروي ظما العطشان حكمه على راي.!!

ومنابر الذِله ..! تمنّا من اسنين.
اخذ عطاياها واغنّي على الناي.!!

عزيت نفسي مارجيت الذليلين.
وحشمت حرفي عن وجيه التقفاي.!!

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر