ياليل ....... بالله لا تطري لي الفرقا.
احس جوفي .! تقطّع من طواريها.!!
‏لكن لجل الغلا ....!! نسمح لها ترقا.
مع سِلّم الروح .! تزهم من يسليها.!!
امعززه وامحشومه ...... قدرها تلقى.
مشاعرٍ بالوفاء .....! قلبي مغذيها.!!
والحزن لو هشّم الاضلاع بي طرقا.
ماله سوى ..! ونّةٍ بالجوف مخفيها.!!
مايسرق النوم .! من عين الوفا سرقا.
الاّ ..... ( غلا واحدٍ خلّى لياليها ).!!
يقوله.! اللي يشوف ان السماء زرقا.
اللي على قلبه ....!! لسانه يبديها.!!
اللي يعاف الغلا .! وش عاد له يبقى.
قدامه اسنين عمره .. يهتني فيها.!!
الكي .... لو ادري انه ينفع الحرقا.
كويت حرقات شوقٍ كنت اداريها.!!
مكتوب للقلب في عمر الوله يشقى.
في حاضر ايام عمري والاّ ماضيها.!!
يكفي لمحت العيون .! بدمعها غرقى.
وصديت مقفي..! وانا كلي اناديها.!!
ماودي احنّ ..... لو تشويني الفرقا.
والروح في صمتها قررت اخليها.!!
ان جيت وان رحت.! والله مابها فرقا.
متساويه عند قلبي .. في معانيها.!!
ودام الغلا مالقى في خافقه ملقى.
شرهات قلبه ....... علينا لا يغنيها.!!

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين