طعنتك زرقا وانا كلي جراح
ياكريم ٍ كنت احسبنك شحيح
الوفا راعيه يطعن بالرمتتاح
وش تفيدك طعنة القلب الجريح؟
ساطية حد العظم سم ٍ ذحاح
والحيايا روعتني بالفحيح
بالغدارى لاعوى الذيب استراح
والذيابة مايجفلها النبيح
عزتي من دونها كلي كفتتتاح
ماتهان ودونها ماارضى المطيح
الكرامة هي عزاية والسماح
الوفا طبعي وانا دايم صريح
لايغرك لو شكى غيري وناح
دالة ٍ قلبه من همومه مريح
صوت جرحي مايشابه للصياح
صوت سقمي من طعونك يستبيح
سرمدية ليلتي والسد باح
آآآآه.. ليتك بالحقيقة لي تبيح
مارويتك لاهماج ولاقراح
والله اني قبل اعرفك مستريح
عطرت جرحي ذعاذيع الرياح
واستدارت بالعذر يمي تصيح
حيها لاذعذعت والهم زاح
واثقل همومي بدت عيني تزيح
من سرالي بالغداري والصباح
له بياض القلب والعذر النصيح
توني فتحّت والقلب استراح
واستلذ طعونك القلب الجريح

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين