كنتي بعينـي - عاقل الزيد

كنتي بعيني فوق نجم الثريا
وكنتي لقلبي فرحته وإبتهاجه

والزين لا مره خيالك تهيا
وقام ولبس لك ياأجمل الغيد تاجه

وأجمل جميلات العذارى تفيا
بظلال زينتك بين لوله ،، وعاجه

حتى قتلتيني بقولك كذيا
إني ماحب إلا على شان حاجه

هنا وقفت وقلت حدي هنيا
يوم إنكسرتي مثل كسر الزجاجه

وكسر النفوس أعظم ياسمح المحيا
من كسر باس اللي غلاك إحتياجه

العشق عمره مايجي بالحميا
ولاحد يحب اللي يريد بمزاجه

عن بارد إحساس أكثر الناس عيا
وهذا هو أقسى جرح يصعب علاجه

هيا نتفارق يااخر الجرح هيا
يمكن بحلم الذكريات نتواجه

أن مالتقينا فوق نجم الثريا
صدر الثرى عكر غديره عجاجه

© 2024 - موقع الشعر