انا الفقير .!!

يابنت دام الحب .. باول ظهوره.
راعيه عن جور الزمان وسعيره.!!

ترى القفا هدّام والوصل دوره.
يبني قصور الود ديره و ديره.!!

وترى التغلي لو تمكن حضوره.
نلقى العواقب بالنهايه خطيره.!!

الوصل .... مالمت حناياي نوره.
وشلون غرّد بين الاغصان طيره.!!

ليش القفا يابنت ينطاع شوره.
وليه الوصل يمناه دايم قصيره.!!

انا الفقير اللي ملكتي سطوره.
وانتي غنيه بالشعور ... وفقيره.!!

وانا الكريم اللي نحر لك شعوره.
يومك بخلتي .! والخزاين كثيره.!!

قلتي.! على حرفي وقلبي غيوره.
واقول ... بالمقفين ماشفت غِيره.!!

يحتاج لك في عالم الحب دوره.
مادام منتي بالمحبه ..... خبيره.!!