زير النسا ..!!

سالفه ... والليل يهديكم لحونه.
بين قيفانٍ .... مثل صدري تلظى.!!

قال انا زير النسا واللي عيونه.
تجذب عيون العذارى لين ترضى.!!

يفتخر بالمعصيه .! هلّت مزونه.
والحصن ....... لابد له يومٍ يقضّا.!!

ما ستر حاله وحال اللي يبونه.
بس بعض الناس متعافين مرضى.!!

قلت له وشلون محبوبك تخونه.
كيف تهتك في بنات الناس عرضا.!!

قال ...... يارجال كلٍ له فنونه.
قلت قصدك ذنب مايمحيه فرضا.!!

ابك نار الآخره ماهي حنونه.
لو تعض الروح بالابهام ..... عضا.!!

لا تطوّلها ... ترى مامن مرونه.
وخذ نصحية عاقلٍ .. طولٍ وعرضا.!!

كل مديونٍ تمتع ..... في ديونه.
و كل دينٍ لو ورى البيبان يقضى.!!

ومجلسك لو النشامى يدهلونه.
عفته وعفتك .... ولو تزعل ماترضى.!!