عزّ النسا..

هذي الحكم في جوفها كِذب ونفاق
فيها دعاوي للفتن والوشايه

لله حكمه في تباشير الاشراق
حتى الغروب اسمه خوي النهايه

من حكمته حجْب النسا دون الارهاق
تقعد اميره داخل البيت رايه

يعني بودك هالمرا تغرق اغراق
بين الرجال تجرّ شيله وعبايه

والا بودك تحرق الحق احراق
يشْرع لكم حق الحمل والرعايه

بعض الحِكم تجرح مماليك واعراق
من راس فاضي دون مقصد وغايه

عِز النسا...وبساعة الفزعه برَاق
تِرخص مدامعهن بوقت الحمايه

يذرف عليهن ربعهم دمع رقراق
اذا المنايا قرْبت للوَلايَه

ذولا وفاهن تاج في رووس الاخلاق
من صانهن صان الشرف والوصايه