سنين طوال

النور مايحجب بغربال
ياللي عيونك تعدانا

دام تغني على الموال
نقراه والسامع انبانا

ما كل راس ٍ عليه عقال
ولا كل برّاق يشعانا

وإن كان كل ٍ على منهال
من حقنا نارد لمانا

لكن راحت سنين طوال
والدهر غيّر بممشانا

واليوم نبكي على الاطلال
ولا عاد بالماضي بكانا

والوقت لو هو علينا مال
نموت وكرام ٍ لحانا

يبقى لنا طيّب الافعال
اللي نخلّد به اسمانا

والوادي اللي زمن . ماسال
يسيل كان الله اسقانا