عالي مقام

سلام تسليم ينصى رجل عالي مقام
بأبيات هاجوسها للبدع يشعى شعي

اللي على حد صمته . مايبوح الكلام
اقفى وغيّر جميع أرقامه اللي معي

ان كان انا مزعله يبشر براس السنام
وإن كان به علم ثان . لاهرج نسمعي

اخذت رقمه من احد اصحابنا بالدوام
يقول هذا ترى هو رقمه المرجعي

الناس تدخل يلو بين اللحم والعظام
ولا تفرق الواعي من اللي بليّا وعي

هذي بيوت ٍ جداد معطره بالسلام
وبعد ماتم الطواف يحين وقت السعي