الله يكافينا فواجيع الأيام
اللي تتل القلب بين الضلوعي
تودع معاليقه من التله اقسام
واللي ينام اليا تحلّم يفوعي
مير الصبر للنفس بالواقع إلجام
قبل يصير القلب معها امهزوعي
مرحوم ياللي بالمواقيف مقدام
اللي لربعه من جويد الدروعي
يلقونه ان نادوه بالموقف الهام
اليا انتخوبه للملاقا بتوعي
وشعره يغني به هل الشرق الشام
شاعر حكيم ومن دواهي ربوعي
لعل قبر ٍ به بدر من ظهر نام
النومه اللي مابعدها رجوعي
يفتح عليه الله من الجنه انسام
ويشوف منزاله حميد الطبوعي
ويحسن عزاء اهله والقبيله والانام
وشعر ٍ تبي تحزن عليه السموعي
هذي هي الدنيا بها العمر مادام
ولا رجّع اللي مات . هل الدموعي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.