هاييجي اليوم

هاييجي اليوم
بقلم
آمال محمود كحيل
 
حاولت عشان أقربلك
أغيَّر كل شيء فيَّه
ملامح صورتي في مرايتي
حقيقة ذاتي في عينيه
وكان وصلك
ماهوش غايتي
لكن إنك ، ولو ثانية
تحس بحيرتي ، تفهمني
وكان كافي
تسكنني ف براح قلبك
مكان دافي
أتاريني نسيت إني
مجرد ذكرى منسية
خيوط ماضي
كتاب فاضي
محيت كل الكلام منه
وخلفت الندم ليَّه
وكان أفضل من الأول
ما اخبطشي على بابك
وأتأمل
أكون من أغلى أحبابك
فسامحني أنا استاهل
وليك عندي
هاعيش في الدنيا
دي لوحدي
وافصَّل حلمي على قدي
تكون ليَّه ماهوش حقي
عشان قلبك
ماهوش ملكي
ولا عمره
في يوم هايكون
ومن غير حزن
ومن غير لوم
هاداري دموعي في عينيه
وموش هابكي ،
وصدقني
هاييجي اليوم
وتعرف مين كان المظلوم
ومين فينا اللي حب بجد