جثمان ودك.!!

البارحه ..... مابين نايم و حيا.
في هجعة العالم  تذكرت مسراك.!!

صخّرت فكري  للمشاعر وحيا.
يقرا .. على جثمان ودك خطاياك.!!

موت الغرام اللي بدا لي كذيا.
اهون على قلبي .. ولا يوم ينخاك.!!

اقدر ....! اوديك السما والثريا.
واقدر في بيت اشب قلبك ودنياك.!!

نصيحتي لو قلتها ..... او بليا.
انت الفهيم اللي  طردنا  مطاياك.!!

لا عاد ترجع .! لو رجوعك تهيا.
انا وشعري .. يوم ذقناك عفناك.!!

خلك هناك .. وخلّ جرحك هنيا.
دوّر على روحٍ ... تسوي سواياك.!!

بنساك .... لو القلب عَنّد وعيا.
ولو صاح مابين  الليالي وناداك.!!

دامك عن الشرهه تصد وتفيا.
بدفن غرامك في معاليق فرقاك.!!

ياهيه ....! وقّف لو تكرّم شويا.
بفهق ضلوعي ثم تناوش بقاياك.!!