رثاء زوجتي الغالية

ياللي تعاتب لا شفت الدمع في عيني
خلني علی علتي واجاذب الونه

جرحي عميق ولا به من يداويني
وضلوع صدري عليها جالها حنه

في قبر خمسه عمود امية وعشريني
تركتها ياعسی منزالها الجنه

عشرين عام وعليها زود عاميني
في خدمتي عمرها ما والله اتحنه

معها قضيت اجمل ايامي من اسنيني
وقلبي عليها رياح الحزن يشعنه

اتصوم يوم الخميس ويوم الاثنيني
وان صلت الفرض تلحق فرضها السنه

والليل لا راح منّه قدر ثلثيني
قامت تهجد . قيام الليل تحينه

تمرس يديها عطايا للمساكيني
واذا عطت شي . ماتقفاه بالمنه

هي حبي الاول اللي كملت ديني
واهي الغلا اللي تحت الانجاف واكنه