ياشيب عيني

ياطول صبري كل ما اصبحت وامسيت
وياشيب عيني .. من ضعاف الروابع

عن بعض الاشياء اصد .. ماكني اوحيت
ماني وراء الزلات .. حرص ٍ وأتابع

على التجارب في حياتي تربيت
والناس . فيهم فرق . مثل الاصابع

الايام .. ما تمشي .. على ماتمنيت
والذيب .. لو جيعان ينقال شابع

واللي مع اهل الطيب . ما حط له صيت
يعيش بين الناس .. للناس تابع

من حط راسه ضمن رؤوس السرابيت
يبقى بوحل الذل . والهون قابع

واللي جعل عقله على كف عفريت
يصبر على خوة ضعاف الروابع

سعيد بن فالح المهداني