المشاريه

اللي تشره قبل يوم المشاريه
ماله على اهل الطيب حقّ التشره

ايماشي الدنيا .. وينظر لماضيه
عساه يلقاء في الزمن مايسرّه

الناس فيها الخير . والوقت يرضيه
وكاس الزمن يرضيه . حلوه . ومرّه

ماكل منهو يرفع الصوت نوحيه
ولا كل .. من يبغي المبرّه . نُبرّه

راع الوفاء لو غاب ماغاب طاريه
لامر ذكره قيل لله درّه

تجارب الانسان .. في الوقت تنبيه
وتعلمة عن برد وقته وحرّه

ومن لاعرف.للصقر في النار يشويه
ومن لامشى درب المراجل تغرّه

من يعشق الناموس ..يتعب ويشريه
لو كان ما يملك من المال ذرّه

واللي كتب للعبد لابُد ياتيه
هذا القدر نؤمن بخيره وشرّه

ومن كان في الدنيا تردت مماشيه
في الاخرة ربي عليم بمقرّه

اسمع كلام ٍ واضحٍ ملحته فيه
بعض البشر عرفه و قربه مضرّه

سعيد بن فالح المهداني