الوضع مزري

لـ سعيد بن فالح المهداني، ، في غير مُحدد، آخر تحديث

الوضع مزري - سعيد بن فالح المهداني

الوضع مزري . وبعض الناس شماته
والطيب اللي يغض الطرف . ويجامل

من حكمة المرء . قهر اعداه . بسكاته
حتى يجي في نهار الموقف . الصامل

دام الزمن جارحة . في كثر صكاته
يصبر على جرحه اللي بالحشاء دامل

الناس تدخل مابين العود ولحاته
وتحط زور الكلام بلحنها زامل

والادمي يعلم الله كل نياته
ماهوب هامل ولا مايفعله هامل

والطيب اللي يساعدني بفزعاته
وهرجة يسلي الحزين ولاهوب خامل

سعيدبن فالح المهداني
© 2024 - موقع الشعر