نبذه عن الوضع يانوف.

تاريخنا يابنت وآضح ومعروف
ماهو لزوم آنا نقدم دلأيل

لكن عيونك تالي الوقت ماتشوف
بس اسألي التاريخ وش كان شايل

عدونا له عندنا خمسة حروف
خسران لو حاول بكل الوسايل

يابنت مافينا فقارى ولأضعوف
فينا الشجاعه والكرم حيل طايل

عدونا لو تنشدينه عن الخوف
في داخله خوفه ولأهو بزايل

لو دارت الدنيا وجابت لنا ظروف
يبقى الجبل شامخ ولأهو بمايل

آيه انشدي هاك الجبل كان مكشوف
من يطعم اسباعه وحنا قلايل

دخيلنا لو كان في داخله خوف
يبقئ عزيز ولأتجيه الهوايل.

وترى الخوي له داخل الصدر معروف
مانتركه يابنت لو قال قايل.

لاتسمعين لقول حاقد وملقوف
هذي حقايقنا ترى الشك زايل.

هذي ترى نبذه عن الوضع يانوف
ولأفيه قاصر في جميع القبائل.

يالناعم اللي زينها صار موصوف
وش لك بعبس وفعلها والقبائل.