لاتامن الوقت

لـ سعود دعيع القلادي، ، في غير مُحدد، آخر تحديث

لاتامن الوقت - سعود دعيع القلادي

لاتأمن الوقت واحذر زلة لسانك
كلمتك من قبل تظهر كنت مالكها

والمجلس اللي تحصل فيه عدوانك
حاول تخليه قبل ايديك تفركها

حارب هواء النفس وادحر كيد شيطانك
ولاشفت فعل البشر بالخير شاركها

افزع مع اللي نصاك وطق بيبانك
يطلبك حاجه بسيطه وانت تدركها

واحذر عيونك تطالع بيت جيرانك
تقودك النفس بذنوبك وتهلكها

ولاتقطع الوصل بين ابوك واخوانك
العاده الطيبه حذراك تتركها

لايدخلك شك باللي للغلا صانك
الشك يهدم قصوراً كنت مالكها

هذي النصايح كتبناها على شانك
لازم مع الوقت تحفظها وتسلكها

© 2024 - موقع الشعر