الليل ساتر ..واصبح الوضع حساس - دلان بن مساعد

الليل ساتر واصبح الوضع حساس
بعد اللقا والليل هبت هبوبه

تحت القمر نسمر على الضلع جلاس
وأشرب وانا ضامي من الما عذوبه

ياللي سلبت القلب احرص من الناس
زينك طغا بالناس واصبح عقوبه

ياللي على صدرك جيوش ن من الماس
ولا كما مهرة زعيم العروبه

اموت واحيا بك بدون اي مقياس
ياللي سحرت القلب فيك العجوبه

اجلس معك والقلب ضايع مع الطاس
انا الجريح وجرحي يادوب دوبه

مالوم قتل اكليب من طعن جساس!
لو كان . . من سبة فتاة ن لعوبه!

الحب يذبح والهوى حيل منحاس
هذي ظروف الحب عيبه! كذوبه

ومن بعدها راح وترك فيني هوجاس وعقب المطر والخير جتك الرطوبه
يا قلب لاتحزن ولا باس لا باس

يمكن يجي واشوف زينه بثوبه
متى يهب الريح ويهب نسناس

وأشرب وانا ضامي من الما عذوبه
© 2024 - موقع الشعر