ناسٍ تبي العز واصبح عزها غادي - نشار بن مرزوق العضياني

جاءت نقداً للذين يضعون بيوت الشعر داخل المنازل
اشتقت يابو محمد والقمر بادي

والجو هادي ولا تنبغ معاصيره‏
يازين بيت الشعر في جاضع الوادي

وان جاء المطر ولعو في وسطه النيره‏
وقلط أدلال من الرسلان وجدادي

وان غلقت وحده خمسهٍ مباهيره
والضيف يلقى السعه في بيت الامجادي

ماهوب هتلن يعلق في مواصيره‏
ناسٍ تبا العز وأصبح عزها غادي

يبنون بيت ا لشعر في داخل الديره
حطه بحوشه وصك الحوش من غادي

عز الله انه يناه وصار له عيره
ما يقدر البيت غير عيال الاجوادي

اللي ترحب بضيفه مع مساييره ‏
يصلح لفرم يشب النار وينادي

ويعلق الحيل في عالي شناكيره ‏
وان جث ليال الشتاء وأيام الابرادي

البوش تمرح على جمبه مصاغيره‏
واليوم وقتٍ تغير واخلف القادي

وقت تغير وغير في تعابيره
© 2024 - موقع الشعر