غلاها .!!

القصايد ... لولها باصدافها.
والعوارف تشري الرجل الفهيم.!!

فرصةٍ جتني ... تهز اكتافها.
واعترضت السالفه كني خصيم.!!

قالوا امزون المطر من شافها.
قلت : خلت ابروقها يم القصيم.!!

ودي اتعذر .! وادوج اطرافها.
نيتي شوفه .... وربي بي عليم.!!

يمكن الصدفه يجي ميقافها.
للخفوق .! اللي ينادي مستهيم.!!

من غلاها ..! كل مهره طافها.
كنها ..! اللي باقيه بين الحريم.!!

غيرتي تربط لسان اوصافها.
وعطرها.! بالجوف كنه لي كليم.!!

كل مافاح .! انهمر بي قافها.
بين تقويس الضلوع وبالصميم.!!

املكت كلي.! وصرت اغلافها.
انتهيها لام ....... وابداها بميم.!!

كم عشقت اللطف باستلطافها.
كم شربت انفاسها والجو غيم.!!

المشاعر ... قدمها واخلافها.
وبُعدها خلّا عروقي بي هشيم.!!

المحبه ..... ماجنيت اهدافها.
والشعور ان عاش بيعيش اليتيم.!!