تجارة روح

سارت هواجيس قلبي بالمساء والصباح
ماتعشق إلا ديارٍ بدرها نورها

يسوقها كل ماسارت هبوب الرياح
والقلب من شوره هجوسي هذا شورها

في طرقة ٍ بالمذاهب كلبوها مباح
دستور الاسلام بالاسلام دستورها

ابا اعتلي بالحقيقه والحقيقه سلاح
لو كان منها سلاح القوم بصدورها

لابد مايارد الظامي لجم القراح
وإن ماورد كل جمه عارف ٍ سورها

هذا عوضها ليامن صار مابه سماح
لكن ظامن تجارة روح عن بورها

والناس بظروف وقتٍ به رسوب ونجاح
وأيامنا المقبله تأويل مستورها

يبين فيها خفيٍ كان دونه سناح
يالله بدره تفوق الدر ببحورها

مادام الانسان عايش .كل عمره كفاح
النفس ماتقدر الا شي مقدورها

لك بالعمر ماتعيشه قبل ينقال راح
ياكم عالم تعيش الناس في دورها

يبنونها يوم كان العمر وضعه متاح
واليوم عنها جنايز داخل قبورها

يالله ياعالمٍ باللي خفى والبياح
عونك وتوفيقك بدنياي وأمورها