صفحه جديده - سيف الهويملي

سويت لي تحرير صفحة جديده
ومسحت خمس حروف وأضفت لي خمس

خليت عصر المختلف والجريده
وأخذت شاشه شغلها بس باللمس

كانت قريبه لي لكن بعيده
وانا قريّب لكن مبعّد الرمس

حسب السلوم الصارمه والعقيده
قلبي عليها بالصبر منحمس حمس

من نوعها المرموق عندي فريده
مع غيرها ماأسلم ولا اركب على الجمس

عزاي عنها بالبحر والقصيده
مبطي على الموال هذا مهو ب امس

ما ألف في ممشاي . ممشاي سيده
وإن شفت ورد ٍ فاح . عني جلى العمس

قصدي يخفف شي لكن يزيده
واصد مقفي عنه ويشيله النمس

ما اطيع نفسي والهوى والمريده
باب ٍ منه سم الهوى طامسه طمس

واليوم حظي مطلق الوقت قيده
بعد الدجى اللي طال . شعشع ضيا الشمس

© 2024 - موقع الشعر