صفحه

فكرت أبكتب لي قصيده فريده
وإحترت مدري بدّهن ويش أبدي؟

هذي إسبقوني بنشرها بالجريده
وهذي الا من قلتهاإنباح سدي؟

وهذي اعجزت تشرح عن اللي أريده
وهذي مصيبه موت وإن جات ضدي؟

وهذي معانيها لحقك عنيده
وصارت هواجيسي تجيب وتودي؟

حبك مقيدني ثمانين قيده
وقلبك حبيبي صاير(ن) مستبدي

عجزت اراجع في كتابك واعيده
وأنا بقوّالشوق وصّلت حدي؟

ماني بعد لاماك بنت(ن) سعيده
لا بالله الا ضعت من وسط يدي؟

كنت احسب(ن)فعلتك هذي مكيده
وأثورباعصابي وأصارخ وأهدي؟

ويومي عرفت إن المشاكل شديده
وعرفت بان الظرف ما عنه صدي؟

نويت أبفتح معك صفحة(جديده)
يا ليت تمسح دمعة(ن)فوق خدي؟