رزيم المطر - فهد بن دعيرم

‏لاطاح المطر واسقى ثرا وادي العجمان
يجيني بلاي اللي من العام باليني
 
شمال من مليجه والساجي وقطنان
رزيم المطر صوته اذا طاح يدعيني
 
ياوجدي على شوفة مكحل مع البدوان
انا اغليه وادري داعج الطرف يغليني
 
ترا الحب حب الزين والدار والقيعان
لاسال المسيل وفرد الود بثنيني
 
ويابيت الشعر لاتعلم بسري العربان
ترا سري اللي بالهواء بينك وبيني
 
سقى الله هواء ذكراه والماضي اللي كان
على عين قمرا الليل حسه يحييني
 
دفنى هوانا في سماء السر والكتمان
وباح القصيد وحط في ذمتي ديني
 
تمادا على ذكراه غيثٍ من الرحمان
عسى الله يغفر زلتي به ويعفيني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر