الطايف والوادي

‏اي والله الطايف براد وطبيعه
لاكن قلبي ياعرب ماهو يطيع
 
احب ممشى الوادي وذا الوسيعه
لو كان مابه لافياض ومرابيع
 
دواجنا بين فهده والرفيعه
ولا شمال مليجه وذا المواقيع
 
يسوى الجبل هجادته والطليعه
ويسوى الجنوب ونايدات المطاميع
 
ياخاطري لاطاعك الوقت طيعه
وليا وجعك الوقت زيده مواجيع
 
انا رفيق اهل الطبوع الشجيعه
واهل الكرم واهل النفوس المرافيع
 
اليا شريت الرجل مارخصت بيعه
وليا رخصت الرجل عجلت بالبيع