خاطر طفل

اللقى دايم على العاشق ( عجل )
والجفا لو هو ثواني .. مكّثره !

ياحبيبي يوم قفّابك .. زعل
القهر بعثر خفوقي ( بعثره )

مرّتوي كاس الحزن .. حدّ الثمل
يوم ( صبري ) صعْب غيري يصبره

ودي ارجع لكن العايق .. خجل
ودي انسى بس بعدك ( مقدره )

فاتحٍ للوصل ( شبّاك الامل )
من تهب ريح الخصام .. اتسكّره

لا تصاغر ياغلاي .. اللي حصل
قلبي اصغر جرح منك .. يقهره

خاطر العاشق مثل ( خاطر طفل )
ابسط اللي مايطوله .. يكسره

والمحبه ورّدها .. لامنّ ذبل
منت لاقي من ورا الحب ( اثمره )

في حضورك ليت عيني .. تكتحل
ياعيون اللي ( ربيت ) ابدفتره

عاذرك .. بس انت عجّل بالوصل
والخطا وصْلك كفيلٍ .. يغفره

من يعذّرب دمع من عيني .. نزل
هذا بيتٍ ينهي .. كل الثرثره !

عادي تنزل للمراه ( دمعة رجل )
دام هالجنه تحت .. رجل المره !