ما غضّ طرفي .. و الخلايق مهاجيع
يالله عسى عيني في هالليلة .. اتقرّ
يا شهْر مارس .. لا تييب المواجيع
و الذكريات أقسى مِنِ الواقِع .. المرّ
عامين مرّن على يوم .. التواديع
و الشوق يزداد .. كلّ ما عام ٍ ايمرّ
أرخي جفوني .. و المحاجر خواشيع
من غاب غاليها .. و دمعاتَها اتدرّ
يا كمّ انا اشتاق .. للنجوم المطاليع
في وحشِتِي ما عادت الدنيا اتْسرّ
يا ابوي كم أكتم عبِِرْتي .. و لا آذيع
و الشاهد الله غيبِتِك تكسر الظهْر
لكنّي آمنت بالقدر .. و التشاريع
عند البلا لابدّ أثبت و أصبر
ما يوقف البر بعْد فرقى .. و توديع
بعْد الوفاة تكمل رِحِلْتِي .. معَ البِر
و البرّ .. ما هو بس في هدْر المداميع
البرّ .. أًصدق دعوة ٍ في المسى .. سِر
وصّتني الايّام .. و انا لها امطيع
إتبع نهَج أبوك .. يالشاعر .. و سِرّ
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.