كرت العبور

الصبر فالدنيا مثل كرت العبور
ينجيك منها لاقبس قابوسها

والصبر لا حل الظلام ايصيرنور
في ليلت(ن) يطفي بها فانوسها

لاتامن الدنيا ترا الدنيا تبور
لونورت دربك بنور اكبوسها

لابد من يومن رحاها بك تدور
وتشوف مايذهلك تحت لبوسها

كم واحدن تضحك له الدنيا غرور
واصبح على نيبانها وضروسها

كم طلقت(ن) فالبندقيه ماتثور
والمشكله فالبندق ونادوسها

انا فهمت من التجارب والدهور
وعرفت دنياي وحفظة دروسها

لوكان ماتصفي مع طوال الشبور
اللي على سطح القمر ناموسها

نصبر عليها والنهايه للقبور
ماعاش حارسها ولامحروسها

بالله قلي وين حدبان الظهور
عليهم الارض استوت بطعوسها

ذي حالت الدنيا على مرالعصور
من عاش فيها ماسلم كابوسها