ماجور ياصبري من الوقت ماجور

لـ ، ، في غير مُحدد، آخر تحديث :

ماجور ياصبري من الوقت ماجور
شده وعدة بعد ربي قسمها
واخذت منها درس للمقبله نور
اللي ظلام الليل لونه رسمها
اعلنتها بفصاح والبال مسرور
اعلنتها واللي فهمها فهمها
لو قالو حسين متكبر ومغرور
ماهوب متكبر لكنه حسمها
عن ماقفي لاحان ماني بمعذور
و روس الرجال اهل المقام احترمها
وكرامتي تمنعني اقلط على السور
ولاخاوي ارجال(ن) تبيع ذممها
تكفي فخر خوة هل العرف والشور
قومن ماتفرق شيمتي عن شيمها
مكرم(ن) نفسي عن العمي والعور
من لاحشم نفسه فلا حد(ن)حشمها
ماهنت نفسي قبل والحال ميسور
اليوم في القمه يرفرف علمها
كله بفضل اللي جعل للهدى نور
اللي عطا ناس(ن) وناس(ن)حرمها
واللي يسوي الخير بالخير مذكور
والناس مالله وفق اللي ظلمها
وعلى جزا الهفوات ماني بمجبور
ومجبور(ن) اجزا اهل الكرم في كرمها
والرفقه اللي ساعة الشده تبور
عندي تواجدها يشابه عدمها
حسبن الكايد

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين