ماجور ياراسي من الضيم ماجور
ماجور من ضيم الليال المخيفه
ياماتحملنا على الصبر والجور
نبا المراجل والمراجل كليفه
يحدنا عنها شناضيف وصخور
وننشيلها شيل الجمل للجحيفه
وابعد عن اللي دمها دايم يفور
والنفس عنها يالاوادم عفيفه
واللي جمع مابين منهي ومأمور
يعنك ماهو من رجالا شريفه
لابد مايطلع على فعله النور
ويصبح مابين الكل نفسه حسيفه
ولا همني لوقالو الناس مغرور
مغرور طيب وبدواخل نضيفه
واللي هرج هرجن مزيف وبه زور
ناقص عقل ولال هرجه خليفه
هذاك من فيده ترا العمي والعور
اللي يصك الباب من دون ضيفه
قصير شبر ومن دنياه من هور
وجهه مرمد والحلايا مخيفه
يفداك ياراسي طنايا هل القور
مادام بدعك فالقصايد طريفه
قلته وانا من لابتن مالها سور
وقت الحرايب بسيوف الرهيفه
سمو البقوم اللي لها العز منشور
حمايت البل والمهار العسيفه
يحلم بهم من كان في كبده حرور
ويذكر شيوخن مالهم من نكيفه
وارجو السموحه كان في قولي قصور
من فعل ربعي ماذكرت النصيفه
وان كان فالشعار عالم ودكتور
تراه ابن وسام ولا بن ريفه
وسلامتكم
ضيف الله المرزوقي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.