نجاح المساعيد - ضيف الله مغرق المرزوقي

يانجاح العلم يمك واسمعيه
ياشبيه الريم ياعنق المهاه

والله ان الرمش في عينك يتيه
نعنبو هالرمش مايعرف مداه

اخذن قلبي ولا يبغا يجيه
والله ان لاموت وانا في رجاه

تايهن مابين زينن معتليه
ربنا الخلاق هو اللي عطاه

كامله ومكمله مثل الجنيه
والحلا واذوق كله في نباه

ياهوا يانور عيني وارتجيه
والله ان الحب عقبك مانباه

مير بصبر لو انا ميت عليه
يمكننه يحتسب فيه وفاه

لجل حبه في وريدي محتميه
حافضه حفضي لعيني من غلاه

لو ابن وسام يقصد لعتليه
دام حب الناس في عين الفتاه

بحتدي سلطان عن شين يبيه
مابقا فالناس زينن ما غزاه

هيه يلي فلغزل وصفك نبيه
نعنبو البيم ولا اللي شراه

مركب الحكام جكور بشتريه
ترخص الاموال عند اللي بغاه

غالي الاثمان عن خطو السفيه
مايجيبه كود من حضه معاه

حالفن بالله غيره ماهتويه
لو تقول الناس عني وش بلاه

بتعب الاقدام لينني اجيه
عنق ريم وعايشله في فلاه

تقدم الشعار واتعرف النبيه
شفتها مره على شاشه قناه

مسكنه عمان بين امه وابيه
مستريح البال وانا في عناه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر