عديل الروح - دموع الغيد

تخيل يا عديل الروح اكون بها لعمردونك
أعاند حسرة الواقع واقول بيوم بتجيني

يمر اليوم من عمري وانا بالصمت مجنونك
الملم رجفت اطرافي واعاند عبرت ٍ فيني

تخيل لو هلك جسمي وصار القلب مطعونك
اسير بزحمت الواقع ادور من يدفيني

تخيل لو صحى قلبك وشفت الحال بعيونك
ضريره في زمن يشهد سلامة روحي وعيني

تخيل.. اهلك وناسك مع الفرحه يهنونك
وانا محرومة الفرحه ولا احد ٍ يهنيني

مع كل الألم يوصل خبر انهم يزفونك
تخيل حالتي ياللي حلفت بشوق ترويني

تخيل وحشة الصدمه اذا غيري غدا كونك
على ذاك الخفوق اللي نبض حبك من سنيني

عديل الروح تتوقع عيوني حيل يبكونك
اكيد ابكيك ياعمري ويبكي كل مافيني

© 2024 - موقع الشعر