أكسر عنادك - دموع الغيد

فيني وريد من الضما جف نبعه
وده يمس من الحنايا مرادك

حبك سكني/لا درت فيه بقعه
سمت عليك الله وخافت فؤادك

يا ما سكبت اطهر هماليل دمعه
كانت تبي قربك وتكره بعادك

أسامر اللوعات في كل هجعه
أحرق وهج عمري اذا الشوق رادك

المشكله مالي على البعد رجعه
دام الوله خيم وعزّب ودادك

انا أحبك لو نسى القلب طبعه
ياللي غلاي بصحوة الشوق قادك

ياشاعري طفيت بيديك شمعه
بالله قلي وش هو بالبعد فادك

قرب / تعال / وحلم الأيام رجعه
وأشعل سراج الشوق وأكسر عنادك

© 2024 - موقع الشعر