تقـول ضميـنـي!! - دموع الغيد

تقول ضميني!! أنا أقولك ضم
كل الضلوع اللي بصدري فدالك

ما عاش من بعد البطى قالك قم
كلي عشانك يالغلا وش جرالك

الشوق يلعب بك وأنا داخلي كم
من المشاعر تنتظر بي وصالك

أبعثر اللوعات و اقول لك سم
لوعات قلب ن ما يدور بدالك

ارمي لي همومك حبيبي تبسم
يا زين من قدك جنوني عنالك

غمض لي عيونك يا عمري وقل كم
برفع يميني وأنت خمن ببالك

وش لي أذا أخطيت؟وتقول لي تم
لو اطلب اللي ماطرى في خيالك

لا ما طلبتك روح لا لا ولا دم
أبيك توفي بس قلب ن وفالك

يعني قبل تسري تساير لي العم
وتقول غير الغيد ما حدً طرالك

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر