زجــاجة عطر

لـ عبيد الشاعر، ، في غير مُحدد، آخر تحديث

زجــاجة عطر - عبيد الشاعر

راح العطِر و يبقى من الذكرى .. زجاج
قلّي : الدمِع في عيني شلّي حرّكَه

رحْت و تركت الجفن يسهر.. و النتاج :
أبسط هداياك الثمينة ..تِهْلِكَه !

الرجْل ما يقدر يبوح .. بالاحتياج
حتّى اذا هزّه حنينه .. و اربِكَه

الليل سيّر بالسهَر ..والصدْر هاج
و بيبان قلبي عن سواك امصكّكه

الوجْد سوّر من على روحي .. سياج
خلا ّ هواجيسي عليك ..متعاركه

انا .. سجين العشْق … وين الانفراج ؟
مثل الصقِر اللي اوقعوه وسْط اشبِكَه

في عتْمِتي طيفك يمرني .. كالسراج
أقدر أشوفه .. بس مقدر أمْسِكَه

من نافذة فجري .. أشوف الانبلاج
حلمي بِزَغ .. بسّ الليالي حالكَة

لا اتلومِني شاعر و يحكمني ..المزاج
لذالك أبدع في قصيدي و أحْبِكَه

يا امخصّر العود الطِري ..خفّ الغِناج
الحسْن لي تملِكْه … محْدٍ يِمْلكَه

محْد ٍ يلوم خصرك اذا فيه .. اعوجاج
ليّن .. اذا هبّ النسيم ايْحَرّكه

في مملكة عيني لِبَست الحسْن .. تاج
و انت الوحيد اللي اعشقتْك ..المملكة

عذب ٍ غرير ٍ .. حولك الغِيّد .. هِمَاج
انت الأصل …. و الغانيات امفبْركة !

تِعبَن يقلدونك .. و انت رافع حجاج ^_~
منهو يروم يقلّدِك .. يالمارَكه

ريت المحبّة غيم و اوداعك .. عجاج
و العمْر من دونك ما اظن فيه ابركه

انت البحَر اللي في صدّه .. استهاج
و انا السفينة اللي ف بَحرْها .. هالَكة

يالغضّ الأغيد لا تحِب .. قبْل الزواج
و اتحطَ نفسك في وضِع ..ما تدركِه

اترى الهوى ماله دوا وْ لا له ..علاج
دربه .. يوَدّي للدمار و التهْلُكَة

كم قلت لك: ..إحذر مِنَ الحبّ ..الرواج
كلمة أحبّك كلمة ٍ ...مستهلِكَة !

و انا وِقَعْت في ادروبه الضيْقة ..الفِجاج
أحَذّرِك من درب.. و آخِرتْها أسْلِكَه

ابدايِته .. راحة ..و لهفة .. و ابتهاج
و انهايِتِه ..يا يتْركِك .. يا تتْركِه !!

© 2024 - موقع الشعر