جيت فوق الطموح ورحت عكس الظنون - عبدالرحمن آل عباط الزهراني

‏جيت فوق الطموح ورحت عكس الظنون
مختلف ما يسوّي بي سواتك / سواك

يا غريبٍ تمشّى بين خضر الطعون
كل جرحٍ تدوسه فزّ لك من غلاك

‏من حلاة التمني لين ريب المنون
فيك فتنة و طهر و غطرسة و.إرتباك

يوم تشتاق تاخذني ل سقف الجنون
و يوم عفّيت صلى في عيونك ملاك

‏أحترم فيك صدقك و الخطايا تهون
دام عييت مالك مني .. الا رضاك

يحسبوني خسرتِك بس مهما يكون
من يحدّك ب قُربه ما تهنّى معاك

‏تدري أني بدونك مثل حال البدون
وانت تبقى وطن روحي وروحي فداك

و الوطن لو ظلمنا ما نفكّر نخون
جعل يفدا ثراك الي طمع في ثراك

‏ما تجمّلت فيني يا هشيل المزون
ماك لو بلّ ريقي ما قطع بي ظماك

رزق غيري و هم لا شك يستاهلون
دام ربي عطاهم و انت ربي عطاك

© 2024 - موقع الشعر