النصيحة بالزمان الجرهدي تسوى بعير

النصيحة بالزمان الجرهدي تسوى بعير
والنصيحه في زمان التقنية عنها غفو

لا تخاوي صاحبً يجهلك باليوم العسير
و لا تقدّر هالوجيه اللي عن دروبك قفو

و لا تقرّب لأي دربً يتّجه بك للدشير
و لا تقرّب للخبول اللي مع الحَبّه هفو

قدّر اللي يعتبرك بنظرته دايم كبير
قدّر اللي لو بيوم احتجتهم يمّك لفوا

قدّر اللي لا بغيت تشاوره تلقى شوير
قدّر اللي لا اعتزيت بأسمهم جو ووقفوا

البن آدم دون ربعه يصبح وكنّه كسير
ما تجبّر له كسور ان كان ربعه ما صفو

احترم ربعك و تبقى في نظر ربعك أمير
والله اللّي ما يقدّر لابته ماهو كفو

الشاعر | جاسر هزاع الرويلي