النصيحة

بسم الله الرحمن علام الغيوب
سامع دبيب النمل رزاق الشعوب

اللي ليا ضاقت على خلقه دعوه
الرازق المنان فراج الكروب

ما غيره أحدٍٍ للكرب يدعى يجيب
منش الخيال اللي نشا مجر الهبوب

ما فيه شيء يصير غير بقدرته
الواحد المعبود غفار الذنوب

اللي ليا منه بقا الثلث الأخير
إلى السماء الدنيا نزل للي يتوب

يقول وين اللي عليه ذنوب وين
يسئل وأنا مالمعطي ويستغفر وأتواب

سبحانه العالي ولا يعلا عليه
الواحد القادر لغيره ما نتوب

ومن عقب هذا لي بمضمون الكلام
نصيحةٍ تهدى لواعين القلوب

من وقتكم يا سمامعين إخذو قليل
تمعنواً واخذوا من القول الصيوب

تذكروا يومٍ يشيب به الرضيع
يوم عبوس فيه غالب ومغلوب

مقدار خمسين الف عام من الحساب
والشمس تغلي للجماجم والجنوب

تشخص به الأبصار للحي القدير
شروق شمسه مستقر بلا غروب

وقوف قدام العزيز بلا إنصراف
تذهل به المرضع من أهوال الكروب

أحدٍ بعد طول إنتظاره للجنان
واحدٍ نسأل الله لعفوه للشبوب

يفوز بالغفران من كرّس جهود
وعمل وهو في مغفرة ربه رغوب

الفوز هو فوز العمل ما هوب غير
والموت لازم منى منه والعمر محسوب

اللي خلقنا للعبادة نرتجيه
بدينه ودينٍٍ غير الإسلام محروب

نقوم أركانه بجدٍ وأحتساب
ونرجي لرحمة ربنا حقٍٍٍ وجوب

من لا رحمة الله ترى ماله نجاه
نهار الألسٍٍٍ ناشباتٍ فاللغوب

يا العبد لو مالك تغص به البنوك
زودٍ على اللي فالمخابي والجيوب

ليا وفا أجلك ما فداك بربع يوم
وتوبتك ما تنفعك لو تبغا تتوب

ليا جات نفسك واستعدت للخروج
معاد ينفعك المحاول للهروب

يالله تغفر زلتي وأنت الرحوم
الواحد المعبود علام الغيوب

وصلاة ربي عد براق يلوح
على النبي عدة ذعاذيع الهبوب