رجمً صعب

على رآس رجمً صعبْ للي يبي يرقاه
تفرد بي الهوجاس والشوق حاديني

عليه ألمس نجوم السماء والمخيل أنصاه
و أعصر السحايب عصر في رآحة يميني

نطحْ غآربه صدر السِماء جلّ مِن علاه
على وسقه أفلاك المجرة تباريني

وعليه الهواجس حدت الفكر لين اقصاه
ومن حينها جريت منكوس من حيني

وأنا في طروق الشعر مآعاد لي مشهاه
كرهته لأنه صآر ل النآس يحكيني ..

له شهور يدعيني وأنا مَ أستجيب دّعاه
وهو لابدأ بي هآجس الليل يدعيني

حداني عليه الشوق والشوق يا مقساه
ليّا غاب عني واحدٍ كان في عيني

رفيقً ليّا منه طرى قُلت و آعٍزاه
على ذِكريآته كنّ طيفه يوآسيني

صنع من ملآمحه الحزينه فرح وأهداه
على أقصى خفوق الصدر وأقصى شراييني

ومرر الغياب ب ليلةٍ موحشه وأخفاه
وسلب مِن بقايا فرحتي ما بقا فيني

دقيقة زمآن ب..غيبته ما قدرت أنساه
لعل الزمان الممتلي جور ينسيني !

رفيقً ترك لي في مُحيط العُمر ذِكراه
وأخذ مع سنينٍ فآيته باقي سنيني

رحل عن تُفاهات الشعوب ولآعاد إمداه
يرجع من التاريخ مَ آ كان يثريني ! .

رحلّ نصر الأُمه والعرب مُقتضاها تآه
أنا لا بغيت ارثيه الابيات ترثيني..

و الا مُحيط التيه لو ضآعت المُرساه
على ضفتك! / تيه السُڤن فيك يعنيني

تقوول المرآسي عنك يَ بُعدها بُعداه !
وأنا آقول ما تقصر عن اللآزِم أيديني

تعآنِد.. وأنا مِن صُلب رآسي بعد فرقآه
أجيب الحدود اليآبِسه غصبْ وأنجيني

و أخذنا من الأيام درسً عكس معناه
على وآقعي و اراجِعه بيني و بيني

ومن بعدها يَ زبن من في زمانه تاه
نطق سيفك يقول انت يا كفوَّ مرويني

ياكفوً كسب كلمه كفو من فعل يمناه
انا اجيك والله يَ خلف قبل تدعيني ..

وأنا لآمدحت أمدح كفو والكفو والله
ليّا شفت وجهه بين الأجواد يكفيني !..