احمد لنا تاج

أحمد لنا تاجٍ ونرفع به الراس
 جعل الولي يحفظ لنا دوم راسه

تاجٍ ثمينٍ عندي أغلى من ألماس
فخرٍ وعز متوجٍ فيه ناسه

طاريه مثل الورد لا هب نسناس
والعشب ينبت بالوطا لين داسه

 تورق لنا بشوفْته عيدان يبّاس
والأرض له تخضر من طيب ساسه

غيثٍ سقى وبله ظوامي الأطعاس
 يروي القفار ويمتلي منه كاسه

أحمد لنا فخرٍ وعزٍ ونوماس
وأحمد ذرى المحتاج لا اشتد باسه

 حر شهر من ماكره مثل قرناس
روّس على خرب الحباري وحاسه

شمعة دروبي و لأهاليه نبراس
يعتز فيه العز يومه لباسه

 جعل الولي له دوم راعي وحَرّاس
حيٍ وما تغشاه أبداً نعاسه

 وصلوا عدد ما خط حرفٍ بقرطاس
واعداد مابالكون نبت ويباسه

على نبي وضّح الشرع بقياس
ميزان عدل مايميّل قياسه.