أنا وردةٍ لا من بالحب دلعني

أنا وردةٍ لا من بالحب دلّعني
وأنا مثل صحراءٍ قاحلة يوم يجفاني

عسى أيام عمري فيه لحظات تجمعني
واشعل له الأشواق جمرٍ ليا جاني

أصعب علي لحظة وهو يودعني
وأحلى ليال العمر يوم إن ..يلقاني

طيفه معي في كل يومٍ متابعني
ألدّ عن طاريه وألقاه بأعياني

شوقي وحبي والغلا ليه يدفعني
ونبضات قلبي له تراقص بشرياني

يا ليت قلبي عنه مرة يطاوعني
ويجوز من حبه كما هو تناساني

زرع غلاه بوسط روحي وولعني
ونسيت لأجله كل أهلي وخلّاني

لا صاح باسمي كل هالكون ما وسعني
تضحك لي الدنيا وتمحي لي أحزاني

أهيم به وأثمل وواقعه يصفعني
أتوق له كاسٍ وعشقٍ وما اسقاني

ليته سمع مني وليت انه أقنعني
واطفى لهيب العشق ومنّه أرواني