لا تامن النحلة على وردة التوت - نواف الدحام

اخذت من دنيا الغرابيل لي قوت
والحزن حط بضامري ثم وكّر

كنت احسب ان الخلق لو تلبس بشوت
تبقى على خبري بها ماتعكّر

لكنها بانت مواريه بسكوت
وخافيه بيّن واتضح يوم سكر

لي تجربة وانا تعليتها كوت
حبيت ابينها ولو ماتذكّر

لاعاده الله من صداقات ونعوت
ولاعاده الله من مجاريح بكّر

لا النفس تلعة لا ولا زله تفوت
والعذر بنت والخطا جاء مذكّر

ياناس ذا شعري وانا قبل لا اموت
بغيت انبه من عن الهون فكّر

لا تأمن النحلة على وردة التوت
ولاتأمن النملة على حب سكّر

© 2024 - موقع الشعر